މި ދަތުރުގައި ވަޒީފާއާބެހޭ ޤާނޫނާ ގުޅޭގޮތުން، ޢާންމުންނަށް މަޢުލޫމާތު ދިނުމަށްޓަކައި، އެވެއަރނަސް ޕްރޮގްރާމް ހިންގުމުގެ އިތުރުން، އެ އަތޮޅުގެ 17 ރިސޯޓެއް އިންސްޕެކްޓްކޮށްފައިވެއެވެ. މި އިންސްޕެކްޝަންސްތަކުގައި ވަޒީފާއާބެހޭ ޤާނޫނާއި، އެ ޤާނޫނުގެ ދަށުން ހެދިފައިވާ ގަވާއިދުތަކަށް ވަޒީފާދޭ ފަރާތްތަކުން ޢަމަލުކުރާ މިންވަރު ބެލިފައިވެއެވެ. މީގެ އިތުރުން، ސަރވިސްޗާޖާގުޅޭ މަޢުލޫމާތު ހުށަހެޅުމަށް ލޭބަރ ރިލޭޝަންސް އޮތޯރިޓީއާއި، މޯލްޑިވްސް އިންލަންޑް ރެވެނިއު އޮތޯރިޓީ ގުޅިގެން ޤާއިމްކޮށްފައިވާ ޕޯޓަލްގެ ތެރެއިން ރިސޯޓުތަކުން މަސައްކަތްކުރަމުންދާ މިންވަރު ބެލުމުގެ އިތުރުން، ޕޯޓަލް ތެރެއިން މަސައްކަތްކުރުމުގައި، ވަޒީފާދޭ ފަރާތްތަކަށް ދިމާވާ ގޮންޖެހުންތަކާ ގުޅޭގޮތުން މަޝްވަރާ ކުރެވިފައިވެއެވެ.

މީގެ އިތުރުން، ރ. އުނގޫފާރު ކައުންސިލާއި ގުޅިގެން، އެ ރަށުގައި ވަޒީފާދީގެން މުވައްޒަފުން ގެންގުޅޭ ފަރާތްތަކަށް އަމާޒުކޮށް ވަޒީފާއާބެހޭ ޤާނޫނާއި، އެ ޤާނޫނުގެ ދަށުން ހެދިފައިވާ ގަވާއިދުތަކަށް ހޭލުންތެރި ކުރުވައި އަދި ވަޒީފާދޭ ފަރާތްތަކަށް ބޭނުންވާ ފަންނީ ލަފަޔާއި މަޢުލޫމާތު ފޯރުކޮށްދިނުމަށް އެވެއަރނަސް ޕްރޮގްރާމް ވަނީ ހިންގާފައިވެއެވެ.

މި ފުރުޞަތުގައި، އެވެއަރނެސް ޕްރޮގްރާމް ކުރިއަށް ގެންދިއުމަށް ރ. އުނގޫފާރު ކައުންސިލްގެ ފަރާތުން ދެއްވި އެއްބާރުލުން ފާހަގަކޮށް، އެ ކައުންސިލަށް ލޭބަރ ރިލޭޝަންސް އޮތޯރިޓީގެ މެނޭޖްމެންޓުގެ ނަމުގައި ޝުކުރު ދަންނަވަމެވެ.

The post މާޅޮސްމަޑުލު އުތުރުބުރީގެ ރިސޯޓުތައް އިންސްޕެކްޓްކުރުމަށް، ލޭބަރ ރިލޭޝަންސް އޮތޯރިޓީގެ ޓީމެއް އެ އަތޮޅަށް ދަތުރެއްކޮށްފި appeared first on Labour Relations Authority.

ފޮޓޯ: މިނިސްޓްރީ އޮފް އިސްލާމިކް އެފެއަރޒް

10 ޖަނަވަރީ 2025 ވަނަ ހުކުރު ދުވަހުގެ ޚުޠުބާގައި ވަޒީފާއާބެހޭ ޤާނޫނުގައި ހިމެނިފައިވާ ބައިތަކާ ބެހޭގޮތުން އަލިއަޅުވާލާ ނަޞޭޙަތްތެރިވެއްޖެއެވެ. އެގޮތުން، ވަޒީފާގެ އެއްބަސްވުމަކީ ހަމައެކަނި މުސާރަ ލިބިގަތުމަށްޓަކައި ވެވޭ އެއްބަސްވުމަކަށް ނުހެދުމަށާއި، ވަޒީފާގެ ބަޔާނާ އެއްގޮތަށް މުވައްޒަފުން މަސައްކަތްކުރުމަށް ޚުޠުބާގައި ނަޞޭޙަތްތެރިވެފައިވެއެވެ. މީގެ އިތުރުން، ވަޒީފާއާބެހޭ ޤާނޫނުގެ 13 ވަނަ މާއްދާގައި ވަޒީފާ އަދާކުރާފަރާތާއި ވަޒީފާދޭފަރާތާ ދެމެދު އެކުލަވާލާ ވަޒީފާގެ އެއްބަސްވުމާ ބެހޭގޮތުން އޮންނަ މާއްދާއާ އެއްގޮތަށް އިސްލާމްދީނުގައި މިކަން އޮންނަ ގޮތް ސާފުކޮށް ބުނެދީފައި ވެއެވެ.

ވަޒީފާގެ މާޙައުލުގެ ތެރެއިން ޚިދުމަތަށް އެދޭފަރާތްތަކަށް އޯގާތެރިކަމާއެކު ޚިދުމަތް ފޯރުކޮށްދިނުމަށާއި، މަސައްކަތް ތަރުތީބު ކުރުމާއި ބެހޭގޮތުން ކީރިތި މާތް ނަބިއްޔާ ﷺ ގެ ޙަދީޘްފުޅެއް ގެންނަވާފައިވެއެވެ. ޙަދީޘްފުޅުގެ މާނައިގައި ވަނީ “ހަމަކަށަވަރުން ތިޔަބައިމީހުންކުރެ މީހަކު މަސައްކަތެއް ކުރާނަމަ، އެކަމެއް ވީ އެންމެ ފުރިހަމައަށް ކުރުމަށް މާތް ﷲ ލޯބިވެވޮޑިގަންނަވައެވެ.”

ހަމައެހެންމެ، މަސައްކަތްކުރުމަށް ބޭނުންކުރެވޭ ވަޞީލަތްތަކާއި، ވެސް ވަޒީފާގައި ހިފަހައްޓަންޖެހޭ ސިއްރުތަކަކީ، މުވައްޒަފުން ރައްކާތެރިވާންޖެހޭ އަމާނާތްތަކެއްކަމަށް ޚުޠުބާގައި ބަޔާންކޮށްފައިވެއެވެ. އެހެންކަމުން، މި އަމާނާތްތަކަށް ރައްކާތެރިވުމަށާއި ވަޒީފާގެ މުހިއްމު ވަގުތުތައް އޮފީހުން ބޭރުގައި އަމިއްލަ ކަންކަމުގައި ހޭދަނުކުރުމަށް ޚުޠުބާގައި ބާރުއަޅާފައިވެއެވެ. އަދި، މަސައްކަތްކުރުމަށް ބޭނުންކުރެވޭ ވަޞީލަތްތައް ނަހަމަ ގޮތުގައި ބޭނުންކުރާނަމަ، އެކަން މާތް ﷲ ދެނެވޮޑިގެންވާކަން ހަނދުމަ ކުރުމަށް ޚުޠުބާގައި ގޮވާލާފައިވެއެވެ.

ކޮންމެ ވަޒީފާއެއްގައި ވެސް ޙައްޤުތަކާއި ވާޖިބުތަކެއްވާކަމަށާއި، މުވައްޒަފުގެ މައްޗަށް ވާޖިބުތަކެއްވާ ފަދައިން، ވަޒީފާދޭ ފަރާތުގެ މައްޗަށްވެސް ވާޖިބުތަކެއްވާނެކަމަށް ޚުޠުބާގައި ބަޔާންކޮށްފައިވެއެވެ. އެގޮތުން، މުވައްޒަފުގެ ސަލާމަތާއި ރައްކާތެރިކަމަށް ސަމާލުވެ، އޭނާއަށް ޙައްޤުވާ މުސާރަ އާއި އެހެނިހެން ޢިނާޔަތްތައް ޤަވާޢިދުން ދިނުމަށާއި، ވަޒީފާގެ އުޞޫލުތަކުގެ ތެރެއިން ދޭންޖެހޭ ޗުއްޓީ އާއި ހުސްވަގުތު މުވައްޒަފަށް ދިނުމުގެ އިތުރުން، މުވައްޒަފުންގެ މެދުގައި ޢަދުލުވެރިކަމާއި އޯގާތެރިކަމާއެކު މުޢާމަލާތު ކުރަންޖެހޭނޭކަމަށް ބަޔާންކޮށް، ވަޒީފާދޭ ފަރާތްތަކަށް ނަޞޭޙަތްތެރިވެފައިވެއެވެ.

The post ހުކުރު ޚުޠުބާ ގައި މަސައްކަތުގެ އަޚްލާޤާ ބެހޭ ގޮތުން ނަޞޭޙަތްތެރިވެއްޖެ. appeared first on Labour Relations Authority.

މި އިންވެންޓްގެ މައިގަނޑު މަޤްޞަދަކީ ދާޚިލީ ސަލާމަތާއި ފަންނިއްޔާތާ ބެހޭ ވުޒާރާގެ ދަށުން ހިންގަމުންދާ ތަންތަނާއި ރައްޔިތުންނާ އޮންނަ ގުޅުން ބަދަހިކޮށް، ރައްޔިތުންނަށް ބޭނުންވާ މަޢުލޫމާތުތައް ފަސޭހަކަމާއެކު ލިބޭނެ މަގެއް ފަހިކޮށްދިނުމެވެ.

މިގޮތުން، މި އޮތޯރިޓީން ކުރިއަށް ގެންދިޔަ އޯޕެންޑޭގައި، އޮތޯރިޓީގެ މެންޑޭޓްގެ ތެރެއިން ކުރަމުންގެންދާ މަސައްކަތްތަކާގުޅޭ މަޢުލޫމާތު ރައްޔިތުންނަށް ހިއްޞާކޮށް، ވަޒީފާއާބެހޭ ޤާނޫނާއި، އެ ޤާނޫނުގެ ދަށުން ހެދިފައިވާ ގަވާއިދުތަކާ ގުޅިގެން ރައްޔިތުން އޮޅުންފިލުވަން ބޭނުންވާ މަޢުލޫމާތު ވަނީ ފޯރުކޮށްދީފައެވެ. މީގެ އިތުރުން، މި އޮތޯރިޓީގެ މަސައްކަތް އިތުރަށް ތަރައްޤީކުރުމަށް، އާއްމުންގެ ޚިޔާލު ވަނީ ހޯދާފައެވެ.

އާންމުންނަށް ހުޅުވާލައިގެން ކުރިއަށް ގެންދެވުނު މި އޯޕަންޑޭ ކުރިއަށް ގެންގޮސްފައިވަނީ 2024 ނޮވެންބަރު 20 ވީ ބުދަ ދުވަހުގައެވެ. މި އޯޕަންޑޭ ގައި މި އޮތޯރިޓީއަށް ވަޑައިގެންނެވި ގިނަ ޢަދަދެއްގެ ދިވެހި އަދި ބިދޭސީ މަސައްކަތްތެރިންނާއި، ވަޒީފާދޭ ފަރާތްތަކުގެ ސުވާލުތަކަށް ޖަވާބު ދެވިފައިވެއެވެ.

ސަރުކާރަށް އެއް އަހަރު ފުރުން ފާހަގަ ކުރުމުގެ ގޮތުން 2024 ނޮވެންބަރު 22 ވާ ހުކުރު ދުވަހު ހުޅުމާލެ ސެންޓްރަލް ޕާކު ސަރަހައްދުގައި ދާޚިލީ ސަލާމަތާއި ފަންނިއްޔާތާ ބެހޭ ވުޒާރާއިން ކުރިއަށް ގެންދިއުމަށް ރާއްވަވާފައިވާ ހޯމް ޓީމް ޢާއިލީ ހަވީރުގައި މި އޮތޯރިޓީން ބައިވެރިވުމަށް ވަނީ ނިންމަވާފައެވެ.

The post ސަރުކާރަށް އެއް އަހަރުފުރުން ފާހަގަ ކުރުމަށް އޯޕަންޑޭ އެއް ލޭބަރ ރިލޭޝަންސް އޮތޯރިޓީން ބާއްވައިފި appeared first on Labour Relations Authority.

ސެޕްޓެންބަރު 02 އިން 06 އަށް ގެންދިޔަ އިންސްޕެކްޝަންސްތަކުގައި އެ އަތޮޅުގައި ހިންގަމުންދާ 3 ރިސޯޓަކާއި އެއަތޮޅު ވޭވަށުގައި ހިންގަމުންދާ ވިޔަފާރިތައް ވަނީ ބަލައި ޗެކުކޮށްފައެވެ. މީގެ އިތުރުން، އެ އަތޮޅު މުލީ އަދި ވޭވަށު ކައުންސިލާއި ގުޅިގެން، އެ ރަށްތަކުގައި ވަޒީފާދީގެން މުވައްޒަފުން ގެންގުޅޭ ފަރާތްތަކަށް އަމާޒުކޮށް ވަޒީފާއާބެހޭ ޤާނޫނާއި، އެ ޤާނޫނުގެ ދަށުން ހެދިފައިވާ ގަވާއިދުތަކަށް އާންމުން ހޭލުންތެރިކުރުމުގެ އެވެއަރނެސް ޕްރޮގްރާމްއެއް ވަނީ ހިންގާފައިވެއެވެ.

މި ފުރުޞަތުގައި، އެވެއަރނެސް ޕްރޮގްރާމް ކުރިއަށް ގެންދިއުމަށް ކައުންސިލްތަކުން ދެއްވި އެއްބާރުލުން ފާހަގަކޮށް، އެ ކައުންސިލްތަކަށް ލޭބަރ ރިލޭޝަންސް އޮތޯރިޓީގެ މެނޭޖްމެންޓުގެ ނަމުގައި ޝުކުރު ދަންނަވަމެވެ.

The post މ. އަތޮޅުގެ ބައެއް ރަށްތަކާއި، ރިސޯޓުތައް އިންސްޕެކްޓް ކުރުމަށް ލޭބަރ ރިލޭޝަންސް އޮތޯރިޓީގެ ޓީމެއް އެ އަތޮޅަށް ދަތުރެއްކޮށްފި appeared first on Labour Relations Authority.

މި އިންސްޕެކްޝަންތަކަކީ ވަޒީފާއާބެހޭ ޤާނޫނާއި، އެ ޤާނޫނުގެ ދަށުން ހެދިފައިވާ ގަވާއިދުތަކުގައިވާ ކަންތައްތައް ރަނގަޅަށް ތަންފީޒު ކުރެވެމުންދޭތޯ ކަށަވަރުކުރުމަށް، ވަޒީފާއާބެހޭ ޤާނޫނުގެ 80 ވަނަ މާއްދާގެ ދަށުން، ލޭބަރ ރިލޭޝަންސް އޮތޯރިޓީން ކުރިއަށްގެންދާ އިންސްޕެކްޝަންތަކުގެ ތެރެއިން އިންސްޕެކްޝަންސްތަކެކެވެ.

2024 ސެޕްޓެންބަރު 01 ވީ އާދިއްތަ ދުވަހުން ފެށިގެން، ކުރިއަށްގެންދާ މި އިންސްޕެކްޝަންސްތަކުގައި ފުރަތަމަ އިންސްޕެކްޓްކުރުމަށް ހަމަޖެހިފައިވަނީ މާލެ ސަރަޙައްދުގައި ފަތުރުވެރިކަމުގެ ސިނާޢަތުގައި ވަޒީފާދީގެން މުވައްޒަފުން ގެންގުޅޭ ތަންތަނެވެ. އެގޮތުން، މި އިންސްޕެކްޝަންތަކުގައި ބިދޭސީ މުވައްޒަފުން ވަޒީފާގައި ގެންގުޅެމުންދަނީ، ދިވެހިރާއްޖޭގައި ބިދޭސީން ވަޒީފާ އަދާކުރުމާބެހޭ ގަވާއިދާ އެއްގޮތަށްތޯ ކަށަވަރުކުރުމަށް ބިދޭސީ މުވައްޒަފުންނާ ގުޅުންހުރި ކަންތައްތައް ބަލައި ޗެކުކުރެވޭނެއެވެ. މީގެ އިތުރުން، ވަޒީފާއާބެހޭ ޤާނޫނާއި އެ ޤާނޫނުގެ ދަށުން ހެދިފައިވާ ގަވާއިދުތަކުން ބެލެހެއްޓުން ލާޒިމްކުރާ އެންމެހާ ލިޔުންތައް ޤާނޫނާއި އެއްގޮތަށް ބަލަހައްޓަމުންދޭތޯވެސް ބަލައި ޗެކުކުރެވޭނެއެވެ.

މި އިންސްޕެކްޝަންސްތައް މި އަހަރުގެ ޑިސެންބަރު މަހުގެ ނިޔަލަށް ކުރިއަށް ގެންދިއުމަށް ވަނީ ތާވަލުކުރެވިފައެވެ.

The post ވަޒީފާގައި ގެންގުޅޭ ބިދޭސީންނާ ގުޅުންހުރި ކަންތައްތައް ބަލައި މޮނީޓަރ ކުރުމަށް ހާއްޞަ އިންސްޕެކްޝަންސްތަކެއް ލޭބަރ ރިލޭޝަންސް އޮތޯރިޓީން މާލެ ސަރަޙައްދުގައި ކުރިއަށް ގެންދަންފަށައިފި appeared first on Labour Relations Authority.