ފޮޓޯ: މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީ
ދާޚިލީ ސަލާމަތާއި ފަންނިއްޔަތާބެހޭ ވުޒާރާގެ ފަރާތުން، 18 ޖަނަވަރީ 2025 ވަނަ ހޮނިހިރު ދުވަހު ކުރިއަށް ގެންދިޔަ “ކުރަނގި” އޮޕަރޭޝަނުގައި ލޭބަރ ރިލޭޝަންސް އޮތޯރިޓީގެ މުވައްޒަފުން ބައިވެރިވެއްޖެއެވެ. ދާޚިލީ ސަލާމަތާއި ފަންނިއްޔަތާބެހޭ ވުޒާރާއިން އިސްނަގައިގެން ކުރިއަށް ގެންދިޔަ މި ޕްރޮގްރާމުގައި މިއޮތޯރިޓީގެ މުވައްޒަފުން ބައިވެރިވެ، މާލޭ ސަރަޙައްދުގެ އެކި ސްކޫލުތަކުގައި ބިދޭސީންގެ ބަޔޯމެޓްރިކްސް ނެގުމުގެ މަސައްކަތުގައި ޢަމަލީ ގޮތުން ބައިވެރިވެފައިވެއެވެ. އެގޮތުން ހޮނިހިރު ދުވަހު 09:15 އިން ފެށިގެން 18:00 އާއި ހަމައަށް މިހަރަކާތް ކުރިއަށް ގެންގޮސްފައިވެއެވެ. މިހަރަކާތާ ގުޅޭގޮތުން ދާޚިލީ ސަލާމަތާއި ފަންނިއްޔަތާބެހޭ ވުޒާރާ އިން މަޢުލޫމާތު ދެއްވިގޮތުގައި، ހޮނިހިރު ދުވަހު އެކަނިވެސް 1455 ބިދޭސީންގެ ބަޔޯމެޓްރިކްސް ނަގާފައިވާ ކަމަށާއި އަދި މިހާތަނަށް މި އޮޕަރޭޝަނުގައި 25،483 ބިދޭސީންގެ މަޢުލޫމާތު އެއްކުރެވިފައިވާކަމަށެވެ.
